Lehiaketa hau, DBH, Batxilergo eta Lanbide Heziketa Zikloetako ikasleek STEEAM (zientzia, teknologia, ingeniaritza, ekintzailetasuna, artea eta matematika) arloetan duten espiritu sortzaile eta berritzailea sustatzeko eta saritzeko sortu da. Gainera, unibertsitatetik at dauden ikasleen eta irakasleen lanaren eta ahaleginaren erakusleiho izan nahi du gizartearen aurrean.

DBH, Batxilergo eta Erdi nahiz Goi mailako zikloetako ikasleek parte hartu ahal izango dute. Halaber, talde horien barruan kokatu ez arren, proiektu teknologikoren bat egin duten pertsonek ere parte hartu ahal izango dute, norberaren izenean (banakako bezala).

Banaka edo taldeetan parte hartu ahal izango da. Proiektu guztiek tutore edo irakasle bat eduki beharko dute, dagokion ikastetxearen eta Don Bosco LHIIren arteko harremanetarako pertsona izango dena.

Ikasleek proiektu bakarra aurkeztu ahal izango dute lehiaketara.

Hiru mailetan proiektuek STEEAM (zientzia, teknologia, ingenieritza, ekintzailetasuna, artea eta matematika) esparrukoak izan behar dute.

Pisuagatik, bolumenagatik edo beste edozein justifikatutako arrazoirengatik maketa garraiatu ezin bada, bideo bat aurkeztu beharko da ordenagailu eramangarri batean, non argi eta garbi ikusiko den proiektuaren funtzionamendua.

Lehiaketan parte hartu ahal izateko, hautagaiek 2023ko maiatzaren 10a baino lehen bete beharko dute izen-emate inprimakia. (Izen ematea Maiatzaren 1an irekiko da) 

Inprimakia www.dbsariak.eus web helbidean aurki daiteke. Behar bezala beterik egon beharko du.

Don Bosco LHIIren arabera, aurkeztutako proiektuen jabetza intelektuala proiektuen sortzaileei eta euren tutoreei dagokie. Don Bosco LHIIk askotariko plataforma digital eta informazio hedabideetan erakusgarri jar ditzake lehiaketako partaideen eta proiektuen argazkiak, irudiak, bideoak, parte-hartzaileen zerrenda e. a. Don Bosco LHIIk aurkeztutako proiektuak dibulgatu ditzake, beti ere, irabazi asmorik gabe. Era berean, ezin izango ditu patenteak edo ideiak saldu.